·
佔地約2,700呎嘅「幻Maboroshi」，主打係高級鐵板燒及Omakase ，全店分為「席前鐵板燒」、「席前Omakase區」及「雅座用餐區」，裝修以光影及藝術為主題，而佢哋席前鐵板燒更是由擁有入廚25年豐富經驗嘅料理長Jay負責，Jay曾經喺福臨門集團旗下嘅 :「福泉鉄板燒•鮨」做過，服待過唔少城中富豪貴族
適逢情人節，餐廳現正推出全新：多款「鐵板燒午餐定食」，當中必定有：深得Jer喜愛嘅「鐵板燒日本岐阜縣飛驒牛」、珍罕「鐵板燒南非鮑魚配海膽忌廉汁」、「澳洲龍蝦配濃厚蝦膏汁」和「雪舞茸昆布木魚清湯煮関西產地蜆」等等……
將和牛四面煎封，油份鎖喺和牛內使入口更嫩滑，再將燒妥後嘅飛驒牛放上：「喜馬拉雅山岩鹽板」上，使天然鹽味平均滲透和牛內，此菜式更深得Jer嘅喜愛。
鐵板燒日本岐阜縣飛驒牛
料理長表示：坊間嘅鮑魚多數都係一式一樣嘅醬汁，為咗令客人試到更多唔同嘅味道，因此呢道鐵板燒鮑魚改用特別調製嘅海膽忌廉汁！讓客人能夠豐富一下味蕾。
鐵板燒南非鮑魚配海膽忌廉汁
坐喺「席前鐵板燒」客人可欣賞Jay於鐵板上即時起肉拆殼，再配上以龍蝦膏調製嘅濃郁醬汁，惹味程度可想而知。
澳洲龍蝦配濃厚蝦膏汁
店舖特別喺日本訂製耐熱紙以盛載食材及湯汁。採用有「雪舞茸」之稱嘅白舞茸，味道清香，配以鮮甜昆布木魚湯及関西地蜆。於鐵板上烹調，可去除油膩感。
雪舞茸昆布木魚清湯煮関西產地蜆
「幻Maboroshi」除咗有鐵板燒之外，另設有「席前Omakase」，提供壽司、刺身及「割烹」型嘅熟食日式料理，餐廳更不時舉行「解魚」，解剖日本直送巨型本鮪，讓食客即席品嚐之餘又可先睹為快。
