·
早幾日有過百年歷史嘅再見螢火蟲水果糖宣佈停產，令好多80，90後感到婉惜 。聽到消息後一向自問為食嘅小編諗起好多童年時候嘅零食，當中有兩款喺香港已經買唔到嫁喇，非常可惜！就算比你買到，食落去都未必再係當年嘅味道，等小編黎同你一齊返返去果個年代，睇你又記得幾多款?
芝士圈又好食又好玩，最啱同朋友share一包就唔會太熱氣啦！
返學年代一到小息就緊會買一包，當時只賣$0.5
麵餅加入調味粉可以大口啖食、可以鏈碎食、亦可以煮黎食！
近日創辦人馮振軒離世，享年96歲。
想當年芝士卷永遠斷貨，但係小編就至鍾意食咖哩味。
味道已大不如前了…...
小饅頭係兒時小編媽咪必買零食之一。
但小編覺得口感好怪，食落口一陣奶粉味。
相信好多80,90後嘅朋友都食過爆炸糖。
一開包裝就倒3分1包落口度 ，諗起都過癮呀!
當年最喜歡食一款士多啤梨味扭紋牛奶糖。
但依嫁已經停產，已經冇得買喇。
口哨糖：又稱嗶嗶糖，係好多人嘅兒時回憶。
細個果時最鍾意一大班小朋友一齊吹，吹到勁嘈。
一條條餅乾點杯內另一邊嘅醬，呢個就係欣欣杯唯一特別之處。
食完之後仲可以用嚟做水杯。
永遠食唔完嘅波板糖。
細個果時食食吓一唔想食就會放入冰箱，諗住晏啲再食，但通常都冇咗件事。你哋又試過未？
可因應食用數量而吹出愈來愈大嘅香口膠波。
吹波糖被喻為嗶嗶糖進階版，又玩得又食得。
「四方果啫喱」: 唔知大家以前會唔會用飲管啜黎食。
喺2014年生產商認為所含嘅人造色素會波及健康，因而喺2014年宣佈停產。
近幾年興起講童年回憶，無數陪伴著香港人成長嘅零食，隨著時代變遷、口味嘅轉變、工廠停產等等因素，喺巿場上已好難搵得返童年嘅風味。
圖片來源：Google
