·
有Cam用 私隱防洩有法寶
近排消委會公佈有9成家居監控鏡頭都有私隱外洩風險，之不過用Cam原因多的是，好似返咗工唔喺屋企要「睇住」老人家、小朋友、工人姐姐或貓貓狗狗，喺有風險但係唔用又唔得情況之下有咩計呢？咁就要以招拆招，Set個勁刁鑽複雜到連自己抄低咗都好難入返嘅密碼之餘，其實坊間都有唔少電訊商提供有關服務，可以好好運用一下，以防私隱外洩。
手機防護組合
消委會指出測試其中幾款鏡頭嘅預設密碼強度非常低，如果遇到駭客嘅暴力攻擊，可以話不堪一擊，輕輕鬆鬆被破解。而當呢啲款式嘅鏡頭連接手機App嗰陣，就算已經登出或切換帳戶，仍然可以喺手機度睇到已登出嘅帳戶實時影像，即係話幾乎無登出過咁滯。
CSL嘅網絡安全保障，分別係可偵測惡意軟件或保安風險嘅「SafetyNet」、可移除病毒同檢查可能有隱私風險應用程式兼防止個人資料被盜取嘅「諾頓行動安全」，以及為手機提供安全加密並協助保護個人私隱嘅「諾頓安全VPN 」，亦可配合埋「Forghetti密碼管理服務」一齊用，加強加密更安全。
保護上網通話
SmarTone「網絡至安保」包含防黑客、個人資料外洩嘅「上網管家」，同埋阻截滋擾來電嘅「來電管家」，提供24/7保護手機防入侵，並設有網絡安全專線同人員提供支援同協助。
查詢：
追加加密 由Router入手
Netvigator「覆蓋王」 呢個Plan 包括 Velop MX5300 兩部，特點在於行Wi-Fi 6 網絡制式，兼提供高達 5300Mbps 速度及網路容量，速度更快之外，最緊要就係有埋高級安全性能，採用無線 WPA2加密同 SPI防火牆保護網絡，屋企個Cam 行Wifi都放心。
文：小編
圖：網上圖片
