·
MIRROR 自10月開始已全面復工 ，早兩日12子為麥當勞拍攝新一輯廣告片。廣告片中MIRROR會著上麥當勞為12子度身訂做嘅:「BABYMIRROR」服飾。齋睇做型已相當吸睛，非常可愛。
上一年麥當勞為慶祝 MIRROR出道3週年， 攜手推出期間限定嘅全新口味麥炸雞，更大玩擴增實境（Augmented Reality，簡稱「AR」）技術，只要scan 包裝盒上面QR code，即可喺畫面上見到該包裝盒上相應嘅 MIRROR 成員，同偶像一齊食麥炸雞，實行「近距離」接觸！當時引起一股熱潮。好多粉絲及其前夫日日就係食「麥炸雞」，儲齊一套「麥炸雞」盒同鏡仔卡。小編當時都係其中一個！哈哈！
而今年麥當勞會推出「限量版BABY MIRROR主題」包裝盒。包裝盒上印有CUTE版MIRROR 配上富有代表性嘅食物。全系列共 12 款。而新出嘅「BabyMIRROR Mini 公仔」將會分成 4 套於 2022年12 月8 日正式發售，每套會有 3 款 Baby MIRROR Mini 公仔。由12月5日起，爆蒜麥炸雞限時回歸，麥當勞更連續四星期分階段限量推出唔同成員鏡仔卡！
另外今次更推出：「Baby MIRROR 限量版主題分享盒」。當中包括 2 件爆蒜麥炸雞、2件原味麥炸雞、2 份香滑薯蓉、2 杯中汽水和 2 件朱古力吉士批。麥當勞App 用戶憑「【We All Are】$88 麥炸雞派對套餐」電子優惠券，更可隨機獲贈鏡仔卡兩張！相信到時又會掀起一股「食雞」熱潮，各位粉絲前夫準備好未？
圖片來源：Google、官方網頁
資料來源: Google、官方網頁
