《阿媽有左第二個》-總結

 

· MIRROR,電影及劇集

喺811小編同前夫去咗銅鑼灣英皇戲院睇:阿媽有左第二個。呢套戲係彭秀慧自2017《29+1》後,第二部編劇+執導嘅電影。由毛舜筠,姜濤同柳應廷領導主演。

老實講,對戲不對人,小編睇完喺有啲失望。可能呢套戲由拍攝到宣傳都太勁,可能因為姜B同阿Jer嘅關係,令到小編對套戲好大期望。

 

 

事業女性美鳳姐(毛舜筠飾),為咗家庭放低事業,直至仔仔子軒(柳應廷飾)即將畢業,佢同老公嘅婚姻亦紅燈多年,都係時候做個了斷。情場失意嘅佢,當然希望職場得意啦,於是重出江湖,做返當年佢最耍家嘅經理人。一次係方晴(姜濤飾)送外賣去其公司嘅機會,美鳳發現方晴能歌善舞,決定以極短嘅時間令佢成為新晉偶像。但反令子軒感到被冷落......

 

先講毛姐飾演嘅美鳳姐,好戲之人就真係好戲之人,成套劇交出影后級水準嘅演技,多場戲份拿揑準確。

 

劇中飾演方晴嘅姜濤,成套劇佢要交嘅內心戲太多,可能對一個新人嘅佢黎講會比較吃力,小編覺得佢未識一路講對白,一路流露句對白應有嘅表情同語氣。睇完成套戲我覺得佢演得最好係有一幕返屋企見到啱啱放監嘅爸爸,佢將佢咁多年對爸爸嘅怨恨全部都發洩曬出黎。

 

 

而飾演子軒嘅阿Jer小編覺得佢係成套電影入面無論講對白,表情同語氣都好自然,充分表現到作為一個仔仔呷醋嘅表現。尤其同方晴果幾場鬧交戲,果然有驚喜呀。 

總括黎講,我覺得成套戲嘅中間加咗好多無謂嘅情節同拍得太散喇,有啲拖長黎做,睇到有啲悶呀。劇本又麻麻。又或者可能演員太幼嫩啦,又係新晉導演。無容置疑,呢套絕對係一部「捧新人」嘅電影。行出戲院果時小編諗起2003年由馬偉豪執導嘅:下一站…天后。呢套戲可以化身為現代青春版嘅下一站…天后。如果呢個劇本由當年嘅導演同演員領導主演。會唔會又變成另一賣座電影。 

(全屬小編個人意見) 

圖片來源:Google 

 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。