Sammi一句：「記住，顎高頭！唔洗理人哋，向前跑！」為「流水落花」預告揭開了序幕！一套關於寄養家庭嘅電影 ，而首次成為「7童之母」嘅Sammi更憑角色榮獲提名：「第41屆香港電影金像獎 - 最佳女主角、 最佳原創電影歌曲（我這樣活了一天） 」。並獲得第29屆香港電影評論學會大獎 - 最佳女演員 。未公映已能夠獲得此佳績，相信佢一定花唔少心機去演繹。等小編即刻為你介紹。
獲得第29屆香港電影評論學會大獎 - 最佳女演員
劇照
陳天美（Sammi）及何彬（陸駿光）透過莫姑娘（談善言）申請成為寄養家庭，迎接各自有唔同問題嘅小朋友。包括：因媽媽染有毒癮而缺乏照顧嘅（文森）、父母離異被人當「波」嘅（小菁）、患有兔唇而遭家人嫌棄嘅（小花）、苦苦等待一個家嘅（阿明）及對成年人已失去信任嘅（家希、家朗）姊弟。天美喺孩子身上睇到父母、同學、社會造成嘅傷痕，用盡方法讓眾人重拾希望，並成為大家依靠、好好相處嘅屋企人。 旁人都讚天美偉大。
一直無法磨滅喪兒傷痛嘅天美，直到遇上寄養孩子後，她早已掏空嘅心至有所寄託，重拾做媽媽嘅感覺。父母養育孩子，其實很多時候，係孩子拯救父母。 十三年間，天美醉心於照顧孩子，永遠一意孤行。
何彬出軌，終於讓佢聽見埋藏於對方內心嘅說話，這刻天美至意識到自己一直忽略對方感受，忘
記孩子真正需要。往後日子，儘管何彬努力補救，天美仍遲遲未能確定自己心意。最終靠著寄養小孩有意無意中嘅啟發至幫助佢哋挽回呢段關係。
喺早幾日「慈善首映禮」上，天美姨姨及彬叔叔與七位戲中小演員首度同場。Sammi非常感謝導演讓自己有機會演出呢類型角色。對此導演（賈勝楓）表示：「有Sammi演出呢個角色，佢就似一個天使；好多演員多謝我，但應該係調返轉，我應該多謝佢哋，因為我從來未拍過電影，多謝每個演員對我嘅信任！」而據知Sammi第一次睇到劇本時已被劇中角色感動，為支持新導演(賈勝楓)，以零片酬作為支持。」能夠令到Sammi以零片酬拍攝嘅電影 ，相信一定係套值得一睇嘅電影，事不宜遲，大家快啲去戲院捧場喇！
慈善首映禮精華
資料來源：https://www.facebook.com/LostLoveMovieOfficial
圖片來源：https://www.facebook.com/LostLoveMovieOfficial
