香討笑料:農曆7月唔淮吹蠟燭

 

宜家係農曆7月,好多人都會落街化寶,但求個安心唔好撞鬼,禮多人不怪,小編呢啲師奶仔亦唔例外,每年都有呢個習慣。近日小編係香討睇到單笑料:(佢阿媽唔比我吹熄生日蛋糕上面支蠟燭!)比10個趣。。。

 

小編八卦嘅性格又出現喇!即刻㩒入去內文睇吓先:

(是咁的,我係農曆7月出世女朋友阿媽知道個陣都有少少唔太滿意,覺得會黑住佢個女咁,女朋友想我同佢阿媽關係好啲,所以叫我今年生日上去佢屋企同阿媽一齊過女朋友叫到,唯有乖乖地聽話就範。成餐飯我覺得都OK,都預咗佢會單打下我,面口唔太好,諗住快手食埋生日蛋糕快啲走人。聽佢地唱生日歌,循例諗住吹埋蠟燭就走人啦!準備吹個下,佢老母無啦啦唔比我吹,初初以為係疫情問題,驚唔衛生啦,點知佢老母話佢呢排上網睇到,如果你吹咗蠟燭即係等於話比閻羅王知你唔想做人,想跟佢落去我呢啲7月生日嘅人更加唔可以唔留意!最後我用手係咁fing去整熄啲蠟燭。事後我問返女朋友,佢老母係咪玩9 me,點知女朋友話自從佢老母睇咗呢單野後,佢老母自己生日都唔會吹蠟燭。做人可唔可以比返多少少常識。) 

 

 

有網民留言:如果樓主係富二代,手持數十物業,流動資金億億聲,你女友阿媽話知你生於農曆七月十四。 

睇完內文小編係度諗,其實會唔會女朋友個媽咪本身就唔多LIKE你呀 ,如果我係樓主,擺明知道上女朋友屋企食飯會受人面色,比人單單打打嘅,我就一定唔會上去喇,仲要自己生日喎。樓主同女朋友會唔會諗得天真咗啲呀,佢呀媽唔滿意你就係唔滿意你啦,唔通真係食多幾次飯關係就會變咩。(純粹小編個人意見) 

資料來源:香港討論區 

圖片來源:Google 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。