·
相隔3年，長洲搶包山嘉年華終於回歸，而且萬衆期待嘅「搶包山比賽」亦宣布於：5月26日喺長洲北帝廟遊樂場足球場展開，各位到時除咗可以喺現場觀看搶包山大賽之外，更可以參與多項特色活動，當中包括：「攀爬嘉年華、手工藝製作、繪畫比賽作品展等等……即睇有關包山嘉年華、搶包山比賽詳情、報名方式：
闊別三年嘅搶包山比賽今年分為訓練、選拔賽及決賽3個階段。所有參賽者必須完成4月16日嘅攀爬包山架及防墮安全訓練，方可參加4月30日舉行嘅選拔賽。
「搶包山選拔賽」
分初賽及複賽，並分為男、女子組，兩組同時作賽。以最短時間完成初賽之24名參賽者（包括最少6名女子組參賽者）即可入圍，晉身同日舉行之複賽，爭奪12個決賽席位。該12名成績最佳選手（必須包括女子組成員頭3名）即可參加5月26日至翌日00:00舉行嘅「搶包山決賽」。
2019年相片
今年男子組冠、亞、季軍及女子組冠軍各得獎盃一座，而每年男子組冠軍及女子組冠軍可直接參加來年訓練及選拔賽，事前無須抽籤。大會亦另設「代代平安奬」一名，頒予取得最多平安包參賽者。
今年「搶包山比賽」名額為200人，參加者須於3月20日或之前填妥表格遞交或郵寄往:「香港中環統一碼頭道38號海港政府大樓6樓622室康文署離島區康樂事務辦事處」，亦可傳真至28543949。如人數超出限額，大會將以抽籤方式選出參賽者。而長洲居住、就業或就讀之報名者可獲優先抽籤，抽籤將於3月24日進行。
想參加嘅朋友仲等咩呀！得返幾日時間就截止報名喇，大家快啲把握最後機會喇。
資料來源：康樂文化事務署
