毒舌大狀

 

· 電影及劇集

阿Dee (何啟華) 一句 : 「佢毒舌,但係宅心仁厚。佢低調,但就受萬人景仰。」為《毒舌大狀》(A Guilty Conscience)預告片揭開了序幕。

 

《毒舌大狀》(A Guilty Conscience)係一部香港喜劇律政電影,由《寒戰》系列編劇吳煒倫執導嘅首部電影。領導主演包括:黃子華、謝君豪、王丹妮、廖子妤、王敏德、何啟華、楊偲泳、栢天男。並由林保怡、谷德昭友情演出,本片獲電影發展基金批出886萬融資金額。電影預計喺2023年1月21日(年三十晚)上映。

 

故事簡介:

一單國際名模涉嫌虐待女兒嘅冤案,竟成了法律界、權力及名媛之間嘅鬥爭!社會最頂層嘅一群,如何用盡權力及資源去自保?一班律師又如何能夠喺重重困難下為事主伸張正義?一場激動人心,讓觀眾驚喜萬分嘅法庭攻防戰,將於片中為你一一呈現。

 

 

事隔22年,子華神今次喺戲中不再飾演當年:「男親女愛」中一位籍籍無名嘅師爺,而係搖身一變升呢為:鐵嘴毒舌、「攣都可以拗番直」嘅大律師林涼水!憑其雄辯滔滔口材,既能打救萬民,亦能將對方侮辱踐踏至體無完膚。句句抵死啜核,鐵齒銅牙嘅子華神即將活現喺大家眼前。

 

早前吳煒倫導演曾透過訪問話:「只有黃子華係愈鬧人觀眾愈鍾意睇,這是得天獨厚,諗唔到第二個。」導演亦透露為咗能夠特出子華神嘅口才,度對白嘅時候都去得好盡。盡到連戲中法律顧問都要提醒:「喺法庭上唔可以咁樣講嘢」,從而慢慢修改。又強調呢部係套劇情片,但亦都會帶出一定喜劇感,這就是子華神個人嘅優勢 。

 

打着「是非不在金銀,公道自在人心」旗號嘅林涼水,最後能否憑佢嘅:「毒舌」幫助一班平民大眾出返啖氣?小編同你哋一樣熱切期待。咁就要記得喺農曆新年入戲院睇吓子華神點樣憑佢一把鐵齒銅牙能夠「攣都可以拗番直」喇。 

 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。