MOOV
MakerVille藝人
鍾意MakerVille (MIRROR、COLLAR、ERROR ) 嘅藝人，相信對MOOV絕唔會陌生。Moov出名有「自己Style」，用心製作自家內容取勝，佢哋亦周不時會自家炮製MOOV Live演唱會去製成MV。除咗廣東歌、華語歌、K-POP、J-POP、海內外歌曲，仲有「跑動音樂」配合你運動個beat！ 佢哋嘅「音樂治療」亦係全城獨有，會喺每日不同時段推介有助減壓及放鬆嘅音樂，仲配有專業「音樂治療師」製作嘅聲音導航，實行以歌曲助你去舒緩壓力及疲勞。
Spotify
Spotify係香港人較為熟悉嘅平台，當中提供免費版本可聽指定歌單，但聽歌中途會常常出現廣告，可自費解鎖逾7,000萬首歌。除咗聽歌，你更可收聽Podcast節目，當中涵蓋音樂、廣播劇等等……貴為外國音樂串流平台嘅佢，外語歌曲當然係比其他Apps較為齊全，主頁大部分推介外國歌手，啱晒一班鍾意外國歌手嘅樂迷。
KKBOX
KKBOX係黎自台灣嘅音樂平台，廣東歌、國語歌，以至日韓歌曲都非常齊全。其中無壓縮歌曲多達4,000萬首，更被喻為：香港首個涵蓋三大唱片公司（Sony Music、環球唱片及華納唱片）無損曲庫嘅音樂串流平台。 KKBOX更特設「一齊聽」功能，與其他網友分享音樂心得，平台上多達幾千萬首歌曲任你點播。
YouTube Premium
YouTube近年積極開拓唔同市場，雖然免費版可以同樣收聽音樂，但若果訂閱YouTube Music及YouTube Premium就能無廣告收睇 you tube影片、無限下載音樂。而其頻道亦會根據你個人喜好推薦適合你嘅歌單，讓你隨機收聽你嘅熱門播放清單。
JOOX
JOOX最大好處就係俾你免費聽歌！另一最大特色就係其濃厚嘅本地元素，若果你有細心留意你可以見到佢哋每星期嘅本地熱播榜夠Update之餘又夠齊，皆因JOOX已與3大唱片公司環球、Sony及華納等簽約，而且更囊括咗好多熱門嘅中、英、日、韓語歌曲，迎合唔同人嘅口味。不過，JOOX佢有一個決點，就係比較多廣告嘅一個平台，想有更好體驗要加錢升級至VIP版。
圖片來源：官方網頁
