台灣自10月13日起，實施「0+7」入境政策，入境人士可以免家居檢疫，無症狀人士可以乘搭交通工具離開機場。唯獨要喺入境當日或自主防疫第一日進行快速測試。如需外出，需要有兩日快測陰性結果。但當時政策未包括: 港澳人士以觀光入境台灣。
圖片來源:Google
不過喺昨日11月3日 台灣迎來一個好消息：陸委會宣佈 開放港澳人士以旅行團形式前往台灣入境旅遊，最長可以逗留15日。由11月7日起台灣放寬防疫管制措施，港澳人士可以團體方式前往台灣入境旅遊。每團人數為5人以上40人以下。惟需要由交通部觀光局核准嘅旅行業代為申請。而台灣陸委會更指出，未來會「滾動檢討、逐步調整陸港澳籍人士入境管制措施」。意味著隨時開放「自由行」。
圖片來源: Google
消息一出，本港已有旅行社暫定喺本月18號將有首團出發。包括1團台北北投4天團同另一阿里山5天團，連埋所有附加費價錢分別約為成人$4,450及$ 5,805，縱橫遊主席兼行政總裁袁振寧先生指 : 估計台灣7號宣布簽證詳情，加上需要7個工作天辦理，所以定於今個月18日開團。因機票價格比以往貴，因此團費會較疫情前貴約一成幾，但佢相信台灣吸引力未必如日本一樣帶黎幾倍客量嘅增長 ，而航空公司亦未必有相同復班嘅步伐令機票回落。佢認為加開更多航班以便接更多團亦寄望台灣能夠盡快放寬自由行。
圖片來源: Trip.com截圖
講到自由行就緊係第一時間諗起機票嫁啦，小編啱啱上機票網睇過，現時香港11月每日大槪有6班航班由香港來回台北，但小編睇到到咗1月嘅時候，航班已增至12班。是否意味著台灣新年後即將開放自由行呢? 一提到台灣，第一時間就會諗起食同瘋狂Shopping。手抓餅、鴨舌、鹽酥雞、仲有一盒盒平靚正嘅便當，決一不可。希望下一次小編再講台灣嘅時候個主題喺: 「台北握Like打卡好去處2023」。
