撤銷對新冠確診者發出隔離令

· 健康,新聞

勞工及福利局局長孫玉菡喺琴日疫情記者會上表示:「屆時確診僱員之有薪病假安排將與《僱傭條例》下涵蓋嘅疾病睇齊,意思指:僱員需要提供醫生證明取得四日以上病假,會獲得病假津貼。此外,勞資雙方亦可自行協商,倘若僱主要求確診僱員唔好返工,僱主則需按《僱傭條例》計算病假津貼。(病假津貼為:每日平均薪金五分之四)

早於去年6月17號,政府修訂僱傭條例。若僱員因遵守防疫規例:「例如隔離令、檢疫令及被圍封強檢而冇返工,可視作病假處理。」琴日喺記者會上,孫玉菡表示:隨著本月底撤銷隔離令,即意味確診僱員病假安排將無異於其他疾病。確診僱員如有身體不適可以求醫,若醫生認為有需要給予四日以上病假並發出醫生紙,僱主須按《僱傭條例》支付有薪病假。

但此撤銷令不適用於:「安老院舍及殘疾院舍員工」。政府表示:為保障安老及殘疾院舍之院友,故此安老院舍及殘疾院舍之員工喺值勤方面,仍維持現有安排。(即院舍員工仍需每48小時進行核酸檢測、每日返工前做快測。)本月30號起,若員工自我檢測後發現確診,政府強烈建議院舍員工不應該返工,院舍亦唔應該要求員工當值。目的係為保護院舍嘅老人及殘疾人士,減少接觸及傳播鏈之形成。

及後政府被問到:「無病徵確診者可否取得病假 ? 佢重新強調 : 喺新安排下,感染新冠肺炎僱員嘅病假處理,將與其他疾病睇齊。若員工「無咩唔舒服其實係可以返工,最重要喺做好個人衛生防護。」而勞資雙方亦可協商返工與否,若僱主要求僱員唔好返工,「老闆就要畀返人工。」 

資料來源:官方網頁 

 

圖片來源:Google 

 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。