1.石澳泳灘：
石澳泳灘遠離市區，亦被稱為港島人之後花園，多次被環保署定為一級泳灘。沙灘旁邊亦有燒烤場，非常適合一家大小，一班朋友過一個週末。
地址：石澳石澳道
設施：餐廳、燒烤場、更衣室、淋浴設備、洗手間及停車場
2.三星灣泳灘：
西貢三星灣泳灘水質一向處於良好狀態，出名水清見底、沙質幼細 。泳灘冇車可以直達，需要由白沙灣乘街渡，全程約10分鐘，但正正因為易達度不算高，人流並唔算多，係香港數一數二嘅隱世泳灘。
地址：西貢白沙灣三星灣
設施：小食亭, 燒烤區, 燒烤爐(20個)、更衣室,淋浴設備, 洗手間, 浮台及遊樂場
3.銀礦灣泳灘：
位於銀礦灣西岸，泳灘面積大，寬闊水淺，係曼適合暢泳嘅好地方。而泳灘大樓附近設有小食亭及平台花園，遊客可往平台欣賞一望無際嘅海景。泳灘燒烤場增置「花瓣型區間」嘅家庭式燒烤爐，為遊客提供集體遊樂設施。附近亦有唔少特色景點，如銀礦灣瀑布、櫻花徑等。
地址：大嶼山梅窩東灣頭路
設施：快餐亭、燒烤爐(24個)、更衣室、淋浴設備、洗手間、家庭更衣室、育嬰間及沙灘排球場
無障礙設施：暢通易達洗手間
4.赤柱正灘：
鄰接赤柱市集及赤柱後灘，易達度高，自2013年起，泳灘水質之全年級別維持「良好」水平，旁邊設有赤柱正灘水上活動中心，面向大潭灣，持有認可證書之人士可租用獨木舟、風帆或滑浪風帆自行練習。泳灘不遠處有餐廳及酒吧，而八間屋、赤柱市集及赤柱廣場等旅遊景點就喺附近。
地址：赤柱赤柱灘道
設施：快餐亭、燒烤爐(15個)、更衣室、淋浴設備、洗手間及浮台
無障礙設施：暢通易達洗手間
5.浪茄灣：
位於西貢東壩旁邊嘅寧靜小內灣，三面環山嘅景色，海灘平坦寬闊，水清沙幼，被譽為：「香港最靚沙灘」之一。
地址：西貢東壩旁邊
設施：灘後係營地並設旱廁
6.貝澳泳灘：
水清沙幼，每逢假日便充斥黎露營、摸蜆或欣賞天空之鏡及日落嘅遊人。泳灘後面之內灣係個平湖，水面波平如鏡，打造成港版天空之鏡，日落時分更顥浪漫，打卡一流。
地址：大嶼山貝澳
設施：快餐亭、燒烤爐(6個)、更衣室、淋浴設備、洗手間、通用洗手間及育嬰間
無障礙設施：暢通易達洗手間、觸覺引路帶、觸覺點字平面圖
7.馬灣東灣泳灘：親子消暑勝地
合家歡消暑勝地，飽覽青馬大橋及汀九橋嘅景色，唔少人會喺沙灘上享受陽光、玩水，到黃昏時可拍攝一輯日落景色，直到晚上更可欣賞青馬大橋夜景。
地址：馬灣珀麗路
設施：更衣室、淋浴設備及洗手間
無障礙設施：暢通易達洗手間、觸覺引路帶、觸覺點字平面圖
8.烏溪沙沙灘：
曾被CNN評選為「香港欣賞浪漫夕陽的最佳海灘」，面向吐露港，遙望八仙嶺，喺觀賞日落嘅好去處！但由於非政府泳灘，故設備並唔完善，冇洗手間，亦冇更衣室等設備。
地址：馬鞍山烏溪沙
設備：無
*若果你有任何沙灘好建議，不彷留言比小編知！好讓小編都跟住去一躺。
圖片來源：Google
