東平洲
東平洲係香港最東邊嘅島嶼，屬於海岸保護區，被納入為香港世界地質公園。全島由沉積岩組成，擁有千變萬化嘅海蝕地貌及奇岩怪石。另外小島上有獨特嘅海蝕景觀，你可以喺全長六千呎嘅環島上，欣賞壯麗景觀，打卡影相，全程約三小時，行山新手也沒有難度。
西貢橋咀洲
橋咀洲位於西貢古火山口邊緣，地質景觀豐富，是觀賞火成岩嘅好地方。除此之外，橋咀洲仲有一條連島沙洲，隨著潮水漲退會顥生一會兒消失，一會兒出現嘅景觀。碼頭另一邊係橋咀泳灘，你亦可以步行山徑去到島南面廈門灣、北邊海星灣，路線簡單，亦被喻為行山好去處。
塔門
塔門離島面積唔大，一小時内已經可以環島一圈。由於全島上有一大片遼闊草原，你可以喺臨海嘅大草地上，欣賞180度無敵海景，亦可以喺此地方露營，觀看閃閃生輝嘅夜晚及日出日落！
香港仔水塘
香港仔水塘行山路線可分為上下水塘兩部分，上水塘建於1931年， 其水壩、水掣房及石橋都被列為法定古蹟。水壩有個圓拱形小石橋，大家可以走入石橋入面由下往上望，必定能感受到水壩壯觀及震撼。
印洲塘
被喻為：雙重避風塘「Double Haven」嘅印洲塘位於新界東北大鵬灣內海，以恬靜、風景優美聞名。要觀賞印洲塘風景，可由鹿頸、烏蛟騰或三椏村等地望出海面。
鹽田仔
時代變遷令曬鹽此項工作日者漸式微，好多村民已往外跑，尋找更舒適嘅工作，同時亦令鹽田失修。剩下來嘅村民花咗唔少心機為鹽田保育，希望可以繼續保留曬鹽文化，保留全香港唯一鹽田。
荔枝窩
曾被旅遊雜誌《Lonely Planet》評為：「亞洲10大最佳旅遊景點」，同時榮獲聯合國教科文組織（UNESCO）列入世界地質公園名單。荔枝窩海岸有奇特岩石、紅樹林等……大家不妨趁假日去睇睇，同時亦可了當中解歷史文化。
坪洲
好多遠足人士認為與其到長洲島體驗「人迫人」嘅痛苦，不如黎坪洲睇睇由30年代所建立之「亞洲最大火柴廠」、再到老市集挑選當地居民製作嘅藤織用具及陶瓷，到最後仲可以與愛人爬上坪洲手指山頂睇日落，無憂無慮，愜意釋然。
除咗以上地方，若果你有任何好建議，不彷留言比小編知！
圖片來源：Google
