行山路線-入門篇

 

· 吃喝玩樂,行山,健康

就黎入秋喇,小編見呢排天氣唔係太熱 ,就約埋個Friend走咗去行山做運動。順便握like打個卡。

 

事不宜遲,話比大家知我哋去咗邊先 。登登登登。。。本小姐會由沙田圍站行去蝌蚪坪,我都知對於一班行慣山嘅人黎講呢條喺BB班路線。但係對於我絕對係條高級班路線 。小編咁多年以黎行山嘅次數5隻手指數得曬。請大家多多見諒,唔好笑我啦。

Go Go Go……

 

約咗個friend喺D出口等,之後我哋會向左邊方向行。

 

 

過對面馬路跟住上斜。

 

 

大概行5分鐘就會見到水泉澳邨天橋(全港屋邨跨度最大行人天橋接駁入口 )

上一層電梯,就到達行去蝌蚪坪嘅出入口。

 

見到:(作壆坑路)個路牌,就可以過對面馬路向山上面方向行喇。

 

 

行大概兩至三分鐘就會見到:( 香港女童軍總會博康營地)。見到營地就恭喜你喇,因為你無行錯路呀。一路向前行中途會經過一個分岔路口,記得向前行,唔好行咗入去分岔路度呀。

 

繼續往涼亭方向行。沿路會見到好多松樹。

 

當見到第二個涼亭分岔路口,今次千其唔好再向涼亭方向行,繼續向箭咀方向行就可以喇。

 

沿樓梯直上蝌蚪坪。

 

居然真係上咗黎呀。Yeah!!

小編之前Search過資料,見到好多人話來回只係用咗一個鐘時間,但係本小姐足足用咗一個鐘先上到黎,無辦法啦,屬於BB班嘅我係行得慢啲嫁喇 ,冇行錯路都已經偷笑。不過未黎過嘅朋友都唔洗太驚,沿途都會有好多人同你一齊去同一個地方,簡單啲黎講:跟大隊就可以喇。落山之後同個Friend去龍華食乳鴒先。今日佢都辛苦喇,要陪我呢個路痴行山。

 

提提大家行山前經過天橋順便入水泉澳廣場去多次廁所。

記得帶多枝水補充足夠嘅水份呀。

 

 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。