事主係屋企食飯，因食完碗飯繼續挾餸食，即被港媽阻止!事主不忿：當我係廚餘處理器呀！

平時大家喺屋企食住家飯，一定會有人食得快有人食得慢。有啲會鐘意食飯多啲，有啲就會鐘意食餸多啲。近日小編喺討論區見到一則帖文：（個碗入面冇飯，就唔可以挾餸食?）事件引起網民熱議，更有留言質疑事主係咪其親生。一齊睇吓內文：

　　　想問下大家屋企會唔會限制個碗入面冇飯，就唔可以挾餸食?

　　　我本身食飯都係比較快既人，而細佬同媽媽就食飯比較慢既人

　　　早幾日媽媽整左我好中意食既烏頭魚，咁咪諗住食多啲~

　　　點知食食下

　　　我媽問我：你啲飯食完啦喎

　　　我：係呀，但我唔添飯啦，食太多飯會肥 （以為媽媽想叫我添飯)

　　　媽：你細佬碗飯都未食，你就係咁挾餸食，咁細佬食咩野?？

　　　我：下? 細佬都唔鐘意食魚既

　　　媽：細佬唔鐘意食魚都唔代表你可以咁冇禮貌，人地都未食完飯，你就係咁食

　　　我：咁即係我要添飯先可以繼續食?

　　　媽：你咪等多陣等細佬食完唔食你再食咪得

　　　下?當我係廚餘處理器呀？要等到冇人食我先可以食?？？？

　　　咁我以後最多咪拎住碗飯養金魚囉，食到夠皮就食埋我碗飯！

事主被港媽阻止食飯後繼續食餸。（圖片來源:Viu tv《大叔的愛》劇照）

事主表示:當我廚餘處理器呀!

有網民質疑事主並非親生 (圖片來源:《香港討論區》截圖)

網民留言比較兩極!

有網民贊同港媽做法(圖片來源:《香港討論區》截圖)

資料來源:香港討論區https://ladies.discuss.com.hk/viewthread.php?tid=30735194&extra=page%3D1&page=1

(圖片來源:《香港討論區》截圖、Viu tv《大叔的愛》劇照、Google)