『過時過節』

· MIRROR,電影及劇集

 

 

繼電影《阿媽有咗第二個》後,毛姐毛舜筠又再伙拍兩位Mirror成員 : Anson Lo同Edan合作,打造新一套以家庭為藍本嘅電影「過時過節」(Hong Kong Family)。

 

 

「過時過節」(Hong Kong Family)係一部以家庭為主題嘅香港電影,由曾慶宏執導,係香港「首部劇情電影計劃」第五屆大專組嘅得獎作品。香港電影發展局電影發展基金與創意香港資助,並由毛舜筠、謝君豪、盧瀚霆(AnsonLo)、呂爵安(Edan)同談善言主演。

 

故事講述:

八年前嘅冬至飯局係一場混亂嘅開端:舅父因誤會而同婆婆(馮素波)關係破裂,就此一走了之。脾氣暴燥嘅爸爸(謝君豪)情緒大爆發,舉刀恐嚇提出離婚嘅媽媽(毛舜筠)。結果令兒子(呂爵安)無法原諒父親,繼而離家出走。

八年過去,一家人嘅關係仍處於冰冷狀態,互不理睬。表妹忽然由英國回港,帶黎嘅係舅父嘅死訊,並希望促成一場冬至飯局,以圓爸爸身前嘅遺願。

久違嘅飯局邀請,令眾人檢視自身與家人關係,有人決定出走,亦有人選擇返黎。面臨瓦解嘅危局,正好亦係修補關係嘅時機。

 

毛舜筠曾透露《過時.過節》係一部佢好鍾愛嘅劇本,認為香港有好多家庭情況如同電影般情節,所以容易令人產生共鳴。佢仲大讚一班年輕演員:「Anson Lo表現相當好,又指大家會見到不一樣嘅Edan」。Edan表示毛姐及謝君豪等前輩無私教導佢,例如毛姐會提點佢拍攝時要投入角色,唔好諗咁多野,要捉住嗰刻嘅情緒等等……

 

毛姐透露:Anson Lo表現相當好,會見到不一樣嘅Edan。

圖片來源:Google

今次除了係「登神CP」首度喺電影同框,亦係經常被指撞樣嘅:「AnsonLo同馮素波」首度同場演出,喺一家人同枱食飯嘅海報中,亦睇得出兩個好似樣,仲有網民指Anson Lo同馮素波先係真正CP,不過電影劇情圍繞著Edan一家人展開,馮素波飾演嘅係Edan婆婆,而AnsonLo只係同Edan合作開遊戲公司嘅好朋友,兩人喺角色之間並冇血緣關係。

 

到底最後一家人能否完成舅父遺願,再喺返埋一齊同枱食飯 ? 放低8年以黎一家人嘅仇恨 。能否重新搵到家嘅感覺 ? 小編同你哋一樣熱切期待。11月24日一齊同佢哋一家同枱食飯 。 

 

 

圖片來源:Google

 

 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。