2023年香港動作賀歲片 - 超神經械劫案下

· 電影及劇集

故事講述:

解款員潛守則第一條:「遇事即降」。所以當解款員有成、啫喱、豬紅遇上鑽石劫匪時,馬上九秒九飛身投降!點知遇著熱血新丁:「企鵝」竟高呼要忠心守護顧客嘅財產安全!混亂之際,本應係劫匪內鬼嘅啫喱竟偷走鑽石潛逃!潛逃中嘅啫喱陰差陽錯下走咗入去:「阿爺芴」,並展開佢惡夢嘅開始⋯⋯

另一邊廂劫匪以扣留豬紅以作威脅,逼使有成及企鵝跟和尚一齊踏上追捕啫喱嘅旅途。有成三人追蹤到阿爺芴,發現這深山中竟住著幾個與世隔絕、奇奇怪怪嘅村民!村中為首:「黃姑」對外人抗拒,幾個城市人跟村民之間嘅角力鬧出連場笑話!更可怕係:村入面陰風陣陣,三人更接連遇到靈異事件!
預告片:https://www.youtube.com/watch?v=2oX-Qr2EP2c 

喺早兩日1月16日首映禮後,軒仔接受訪問表示:此劇係人生第一部同Ivana主演嘅賀歲片,佢話:「我緊張到失眠!之前我已睇過試片,但正式版本仲未睇過,好想知道觀眾反應。」軒仔續說:對票房有信心,指Ivana係8000萬票房女主角,若果呢部戲有佢上一部《飯戲攻心》一半票房成績已經開心,承諾有好成績會搞謝票行動。佢仲話:「第一個目標2000萬,Jeffrey會除衫,3000萬會操肌着泳褲找數。」而Ivana亦表示穿著泳裝慶祝票房報捷絕無難度。

除此之外,此劇今次將帶比觀眾唔少驚喜,除咗影后:鄭裕玲友情配音外,仲有一位久未露面嘅演員亦喺戲中出現,佢就係近年極少亮相大銀幕,專注幕後,並喺戲中飾演:黑幫頭目「黎總」嘅:麥浚龍(Juno)!Juno話:今次喺《超》片化身為黑幫頭目,埋位前鑽研角色,構思出別樹一格嘅:「黎總」,Juno解畫:「今次放底幕後創作崗位,從演活角色角度出發,並說:一個角色有趣,有時候唔止係個劇本、對白,注重嘅反而係角色整體、背景,有幾多可承載、聯想、留白嘅發展空間。」

到底最後啫喱係生係死?村民背後又有乜嘢秘密?而等待住有成佢哋嘅到底係:人鑽並尋嘅歸途定係血流成河嘅殊途?大家就要拭目以待喇!

 

所有文章
×

快要完成了!

我們剛剛發給你了一封電郵。 請點擊電郵中的鏈接確認你的訂閱。

好的訂閱由Strikingly提供技術支持。