1. 倫記軟滑腸粉
腸粉以布拉腸粉喺澳門出名，特別受街坊歡迎，特別喺「蔥花雞蛋腸」，口感軟滑又彈牙，老闆以前仲係五星級大廚。所有腸粉都是即叫即做，有唔同配料，黎到澳門記得唔好錯過！而且打卡一流！
地址：澳門沙梨頭沙欄仔街26號泉彩樓地下
2. 瑪嘉烈蛋撻店
過到黎澳門，緊係第一時間食返個:「葡撻」啦！瑪嘉烈蛋撻店嘅葡撻，撻皮又薄又酥，配合濃郁牛油香，再加上甜蛋黃，口感軟滑，難怪被遊客公認為 :「 澳門必食美食」啦！
地址：澳門馬統領圍66號
3. 誠昌飯店
誠昌飯店嘅:「水蟹粥」係鋪頭嘅鎮店之寶。綿密粥底加入鮮甜水蟹，蟹殼入面嘅蟹黃、蟹膏、蟹肉混合喺粥入面，令成碗粥充滿濃郁蟹香味!正! 地址： 澳門氹仔舊城區官也街24號
4. Peace Of Cake
Peace of cake成間以粉紅色為主，充滿浪漫嘅感覺，雖然遠就遠啲，位於台山，但仍吸引唔少人過黎呃Like打卡。
地址：台山菜園涌邊街新城市花園第10座地下G號舖
5. Seu Café
Seu Cafe 喺少有嘅天台 Cafe。 主要為客人提供多款傳統咖啡、梳打及奶蓋沙冰等……而食物方面亦有各式漢堡，小食等等……客人可行上天台遠望路環市景及海景，更可行出坐喺復古紅瓦片屋頂睇日落，握Like打卡！
地址：澳門路環中街164號地下B號舖
6. M2Kitchen
M2 Kitchen 喺以:「美式庭園風」為題嘅Café，可讓客人猶如置身於森林同原野之中。鋪頭設有室內、室外庭園及露台用餐區。餐廳食物亦以西式為主！無論食物、打卡都係一個唔錯嘅選擇。
地址：澳門荷蘭園大馬路88B-90C 號海濤商場3樓G,H,I
7. Le Buffet ( 巴黎人酒店)
Le Buffet提供多款中、西、日美食區。 由於酒店以法國為主題，所以有法國最出名嘅 : 法式鵝肝及甜品。甜品超多款式，啱曬鍾意食甜嘢嘅我。海鮮則有龍蝦、蟹腳、蟹鉗、海蝦、翡翠螺、青口等……
地址：澳門路氹城路氹連貫公路澳門巴黎人1樓
8. The Heal Café and kids
Theheal cafe and kids 是澳門少有嘅景觀餐廳，一共有3層。仲未入門口就已經可以瘋狂影相！地下果層係專門比小朋友放電嘅兒童樂園。而上一層就係我至鍾意文青少女風，加埋超大嘅窗口無死角，點影都得，提提大家：若果想坐窗口位，記得要打去Book位喇!
地址：澳門氹仔北安碼頭馬路 海逸庭園 第十四座
9. 大利來記
澳門必食之選，一定要提豬扒包啦！麵包夾著啱炸起嘅厚切豬扒。介紹大家：氹仔大利來記豬扒包，以葡萄牙香料醃製豬扒，混合中式煮法令豬扒更滑，以：「柴爐烘焙」法國麵包，內軟外脆。冇任何醬汁已經好食到唔停得口！
地點：澳門氹仔告利雅施利華街35號－總店
10. 葡多利
Portugalia 係葡萄牙人啤酒屋。餐廳以傳統葡萄牙住屋為概念，以葡萄牙瓷磚為裝飾，營造出波希米亞氣氛。呢度仲有一個訂製嘅酒窖及以軟木元素為主題裝飾嘅私人房間及室外露台。係呢度可享受最正宗地道嘅葡國菜，而且更有任點任食菜單。
地址：氹仔舊城區買賣街5號地舖
圖片來源：Google
