結婚喺一生人一次，主角往往都會想請所有親戚朋友見證自己最幸福一刻，小編果時都唔例外
所有出席婚禮嘅親戚朋友當然要封人情啦，但其實人情係咪真係有公價呢？做兄弟姊妹嘅又要唔要比呢？小編搜集咗「2022年人情公價」嘅價錢，分為酒店、酒樓、下午婚宴、酒會、簽紙等等，收到「炸彈」嘅朋友參考吓今年人情中位數先再決定比幾多啦！
做兄弟姊妹到底要唔要比人情?
一對新人結婚當日，除咗一班親戚之外，當然一眾兄弟、姊妹、伴郎、伴娘，都唔少得啦，我記得我果時結婚，因為要配合吉時出門嘅關係，最早果位姊妹朝早：5:00黎到我屋企，等化妝師同佢化妝set 頭 。佢咃嘅任務喺由朝到晚陪喺新人身邊，幫佢哋順順利利完成個婚禮，有時遇到脾氣比較大嘅新人佢哋果日都要唖忍。
婚禮當日少不免收到新人利是，另外仲有其他例如：「開門利是、斟茶利是等等」。講返重點：兄弟姊妹到底要唔要比人情呢？能夠成為一對新人嘅兄弟姊妹，呢班兄弟姊妹一定係新人最信得過嘅人。各位兄弟姊妹應該喺由心出發自己諗比定唔比。有時小編見到有啲新人因為收唔到佢哋嘅人情，而事後喺網上面公審佢哋。我喺度諗：「人哋幫咗你成日，任勞任怨。10幾個鐘呀，你請人哋夜晚食返餐好正常。何必為咗一封兄弟姊妹嘅人情而攪到結婚之後心入面有條刺呢!」
（以上只屬小編個人意見)
