上一次去蝌蚪坪已經係兩個星期前，因為過程非常順利嘅關係，所以今次小編又捉個FRIEND陪我呢個路痴走去屯門行山握Like，瘋狂影相。哈哈哈…
同大家講我哋今次去咗邊先 :今次我哋會由屯門西鐵站去呢個「彩虹欄杆」，雖然喺大家心目中都仲係一條BB班嘅路線，（唔准笑我）但對於本身係行山BB班嘅小編黎講絕對係條初級班嘅路線，因為喺網上揾到嘅資料顯示，今次全程以正常行山人士速度都要大約60鐘先完成嫁 。加油……
約咗個Friend喺屯門站B出口等，向左邊行會有條扶手電梯，落到地下。
一路向屯門市廣場方向直去。
向天橋方向直上
天橋行到盡頭落返地面，沿馬路過對面。
過完馬路行前少少就會見到麥理浩徑終點牌。
隔離亦有個指住井頭上村北路牌，咁就表示你已經順利到達小編今次行山嘅起點喇。
我哋要去「彩虹欄杆」就首先要穿過呢個井頭上村。
提提大家，沿途會比較多嘅分叉路，只要一直沿郊野公園路牌行就得，咁就唔洗怕盪失路啦。
上山沿途都比較多分叉路，只要向著麥理浩徑路牌方向前行就得。
行到最前又會見到兩條分叉路，我哋向箭咀方向行就可。
向麥理浩徑方向行，沿樓梯級直上。
向屯門徑方向直行
一路向前行就會到達我哋第一個目的地：「彩虹欄杆」
上山嘅時候千其唔好忘記瘋狂影相，握Like、打卡 。
一路向前行(大概30分鐘，以小編步行速度)，就會見到個「彩虹涼亭」，意味着我哋即將到達目的地。
沿箭咀方向直行，千其唔好行錯路呀。
向前行大概8分鐘就會到達我哋今日嘅目的地「彩虹欄杆」，小編好有成功感，又比我再一次喺冇盪失路之下黎到我想握Like, 打卡嘅地方。
等小編介紹一下：「彩虹欄杆」長約200 米， 沿着山路興建，其實最初欄杆可能只係一位工人係維修時特發其想， 與其油一種顏色， 不如油七色顏料。 就是咁簡單嘅一個舉動， 就令呢條本來平平無奇嘅屯門徑變成握Like, 打卡熱點。
本身小編諗住去埋呢個猛鬼水塘 =（籃地水塘）嫁，但朋友極力阻止，原因係：由彩虹欄杆到籃地水塘以正常行山速度大概3個鐘，但佢話以我速度太陽落山我都未上到去喎。咁唯有落山啦。今次來回用咗3個鐘時間，都叫有進步呀 ，好似小編一樣係行山BB班嘅朋友不妨過黎行一轉呀 。
＊提提大家行山前經過屯門市廣埸去多次廁所。
＊記得帶水補充足夠水份呀。
