·

上一次小編去咗荃灣如心酒店Café Circles食buffet,老實講:真係麻麻。可一不可再。今日再同大家介紹埋自助餐第二位︰九龍海逸君綽酒店: The Promenade
The Promenade出曬名食物款式多!有小編至愛嘅生蠔,至重要甜品夠曬多選擇。一齊睇睇有啲乜正嘢食,令到佢成為《本地自助餐熱門榜》第二名。


生蠔夠曬肥⋯⋯超級新鮮。正呀!師傅開蠔殼好快!

長腳蟹好多肉,好甜

刺身有成8款。甜蝦好甜,值得推介 5粒*

自助沙津吧

Roasted Beef:(小編唔太好食呢啲,所以冇試到,但朋友話唔韌,食得過。)

現場即燒:章魚燒。


另外熱盤都至少起碼有十款。
去到小編至愛嘅甜品區,甜品簡直多不勝數,有:椰汁糕、麵包布甸、榴槤MousseCake、柑桔奶凍、芒果布甸、豆腐花、TIRAMISU、拿破崙、柚子白朱古力蛋糕等等 ,當然唔少得緊係有Movenpick雪糕同HaagenDazs雪條啦……

食到好飽呀,小編至欣賞佢哋嘅生蠔,夠曬肥同厚肉。值得一提係佢嘅甜品真係樣樣都咁好食,可能小編一向鐘意食甜嘢啦,絕對適合我encore,哈哈。ThePromenade 無論喺食物嘅質素,食物嘅選擇以及餐廳內嘅環境真係值得令到佢成為《本地自助餐熱門榜》第二名。

如果去klook訂位差唔多有8折優惠嫁 。